யார் நாம்?

நாம் புதிய ஈழப் புரட்சியாளர்கள். (Eelam New Bolsheviks-ENB).

ஏன் புதிய ஈழம்?

நாம் இனத்துவ ஆண்டபரம்பரை மீண்டும் ஆள்வதற்கு பிரிவினை கோரவில்லை. மன்னராட்சியிலும், காலனியாதிக்கத்திலும் நிலைத்திருந்து, 1948 இல் இழந்த தமிழ் இனத்துவ மேல் தட்டு வர்க்கத்தின் ஆளும் அதிகாரத்தை - இறைமையை - மீளப் பெறுவதற்கும் பிரிவினை கோரவில்லை. மாறாக நமது தாய் நாடான இலங்கையின் அரசுமுறை, ஈழ தேசிய ஒடுக்குமுறையின் மீது கட்டப்பட்டு, பாசிசமயப்பட்டிருப்பதால் அதனை ஜனநாயகப்படுத்துவதற்கு, ஈழ தேசிய சுய நிர்ணய உரிமையின் அடிப்படையில், ஈழப் படுகொலை நடந்தேறிய குறிப்பான சூழ்நிலைக்குப் பின் பிரிவினை - ஈழத் தனி நாடு - கோருகின்றோம். இதனால் நமது ஈழம் புதிய ஈழம்.

எப்படிப் புரட்சியாளர்கள்?

நாம் ஏன் புரட்சியாளர்கள் என்றால், இலங்கையில் தேசியப் பிரச்சனை - சிங்கள, தமிழ் மொழி பேசும் சமூகங்கள் இடையேயான - 'இனப் பிரச்சனை' அல்ல. அது வெறும் வெளித்தோற்றம் மட்டுமே. மாறாக அது ஒடுக்கும் சிங்கள-சிறீலங்கா தேசத்துக்கும், ஒடுக்கப்படும் தமிழ்-ஈழ தேசத்துக்கும் இடையேயான விவசாய நிலப் பிரச்சனை ஆகும். 'இனம்' என்பது இட்டுச் சொருகப்பட்ட காலனிய தேசிய திருத்தல்வாதம். இதனால் இனத்துவ-ஏகாதிபத்திய-வாதத்துக்கு முடிவு கட்டாமல், ஈழ தேசிய விடுதலைப் புரட்சி தனது ஜனநாயகக் கடமைகளை ஒரு போதும் நிறைவேற்ற இயலாது.

எமது பணி என்ன?

ஜனநாயக அரசியல் பிரச்சாரமே நமது அடிப்படையான அரசியல் பணி ஆகும்.

இணையம் எதற்கு?

இந்த அரசியல் பிரச்சாரத்துக்கான சாதனமே இணையம். 'ஈழம் செய்திப் பலகை' நமது தினசரிப் பத்திரிகை. புதிய ஈழம் நமது ஸ்தாபனப் பத்திரிகை (Central Organ). இதரவை சர்வதேசியம் மற்றும் சமூக வாழ்வின் பண்பாட்டுக் கூறுகள் சார்ந்தவை. இவை அனைத்தும் ஒருங்கே அமைந்த enbweb.co - தமிழீழச் செய்தியகம், நமது பிரச்சாரத் தளம் ஆகும். எமது செறிவான செல்லப் பெயர் ENB ஆகும்.

ஈழ தேசிய விடுதலைப் புரட்சி இயக்கம், பாட்டாளி வர்க்க சர்வதேசிய இயக்கத்துக்கு எப்போதும் கீழ்ப்பட்டது.

சர்வதேசிய பாட்டாளிவர்க்க சோசலிச ஜனநாயக இயக்கத்தின், ஈழப் படைப்பிரிவு என்கிற வகையில், எமது தேசியக் கடமையின் பாற்பட்டு, ஈழவிடுதலைப் புரட்சிக்கு ஒரு புரட்சிகர தலைமையை கட்டியெழுப்பவே நாம் விழைகின்றோம்.

இதனால் இயல்பாகவே எமக்கு சர்வதேசப் பணிகளும் உண்டு. உலகத் தொழிலாளர்களினதும், உலகெங்கும் ஒடுக்கப்படும் தேசங்களினதும் ஒடுக்குமுறையை எதிர்த்த ஜனநாயகக் கிளர்ச்சிகளை ஆதரிப்பதும், தூண்டுவதும் நமது அத்தியாவசியக் கடமை ஆகும். உலக மறுபங்கீட்டு மூன்றாம் உலகப் போர்ப் போக்கை தடுத்து நிறுத்துவது நமது தலையாய உடனடியான சர்வதேசியக் கடமை ஆகும்.

ENB இப்பணியையும் தன் தலைமேற் கொண்டுள்ளது.

இது ஒரு அறுபது ஆண்டுகால அரசியல் பயணத்தின் அறுவடை ஆகும்.

“புரட்சிகரப் பத்திரிகை ஒரு பிரச்சாரகனாக மட்டுமல்ல ஒரு அமைப்பாளனாகவும் செயற்படும்”
_{- மாமேதை தோழர் லெனின்.}

ENB ஐ வாழ்த்துவீர், வரவேற்பீர், வளர்த்தெடுப்பீர்.

படியுங்கள்! பரப்புங்கள்!! இரவுங்கள்! இணையுங்கள்!!

தொடர்புக்கு: eelamnewsbulletin@gmail.com

புதிய ஈழப் புரட்சியாளர்கள் - ENB

01-05-2025