செம்மணிப் புதைகுழி குறித்து அரசு: சர்வதேச தொழில்நுட்ப நிபுணத்துவம் தேவைப்படலாம்.

The Morning 05 ஆகஸ்ட் 2025 | BY புத்திக சமரவீர

எலும்புக்கூடுகளை ஆய்வு செய்வதற்கு அல்லது மேம்பட்ட தடயவியல் சோதனைகளுக்கு இது தேவைப்படலாம் என்றாலும், நடந்துகொண்டிருக்கும் செயல்முறையை ஆதரிப்பதால் வேறு எந்த சர்வதேச தலையீடும் தேவையில்லை என்று இலங்கை அரசு கூறுகிறது.   

செம்மணி போன்ற புதைகுழிகளில் கண்டுபிடிக்கப்பட்ட எலும்புக்கூடுகளை ஆய்வு செய்வதற்கு சர்வதேச நிபுணர்களின் தொழில்நுட்ப உதவியை நாட வேண்டியிருக்கலாம் என்றாலும், நடந்து வரும் விசாரணை செயல்முறையை முழுமையாக ஆதரிப்பதால், வேறு எந்த வகையான சர்வதேச தலையீடும் தேவையில்லை என்று அரசாங்கம் கூறியது.

டெய்லி மார்னிங்கிடம் பேசிய தேசிய ஒருங்கிணைப்பு துணை அமைச்சர் முனீர் முலாஃபர், வடக்கில் உள்ள சில குழுக்களிடமிருந்து இதுபோன்ற விசாரணைகளில் சர்வதேச ஈடுபாடு தேவை என்று நீண்ட காலமாக அழைப்பு விடுக்கப்பட்டு வரும் நிலையில், தற்போதைய விசாரணைகளின் எந்தப் பகுதியையும் அரசாங்கம் தடுக்கவில்லை என்று அவர் வலியுறுத்தினார்.

"நியாயமான விசாரணைக்கு ஏற்கனவே இடம் உள்ளது. எலும்புக்கூடுகளை அடையாளம் காணுதல் அல்லது மேம்பட்ட தடயவியல் பரிசோதனை நடத்துதல் போன்ற சர்வதேச தொழில்நுட்ப உதவி நமக்குத் தேவைப்பட்டால், அதைப் பற்றி நாம் விவாதிக்கலாம். ஆனால், அதைத் தவிர, வேறு எந்த வகையான தலையீடும் தேவையில்லை, ஏனென்றால் நாங்கள் எங்கள் முழு ஆதரவையும் வழங்குகிறோம்," என்று அவர் மேலும் கூறினார்.

செம்மணிப் புதைகுழித் தளத்தில் 100க்கும் மேற்பட்ட எலும்புக்கூடுகள் கண்டெடுக்கப்பட்டதைத் தொடர்ந்து, சர்வதேச மேற்பார்வைக்கான புதுப்பிக்கப்பட்ட அழைப்புகளைத் தொடர்ந்து அவரது கருத்துக்கள் வெளியாகியுள்ளன. தமிழ் மக்கள் தேசியக் கூட்டனித் தலைவரும், ஜனாதிபதி வழக்கறிஞரும், முன்னாள் வடக்கு முதலமைச்சரும், உச்ச நீதிமன்ற நீதிபதியுமான சி.வி. விக்னேஸ்வரன், உள்ளூர் அதிகாரிகள் மீதான பொதுமக்களின் நம்பிக்கை சீர்குலைந்துள்ளதாகக் கூறி, சர்வதேச மேற்பார்வை பொறிமுறைக்கு சமீபத்தில் அழைப்பு விடுத்தார்.

கடந்த வாரம், சர்வதேச சட்ட வல்லுநர்கள் ஆணையம், செம்மணி அகழ்வாராய்ச்சியை சர்வதேச மேற்பார்வைக்கு அழைப்பு விடுத்தது, பாதிக்கப்பட்டவர்களை மையமாகக் கொண்ட செயல்முறையை உண்மை மற்றும் பொறுப்புக்கூறலுக்கான ஒரு முக்கியமான முதல் படியாக விவரித்தது. அனைத்து புலனாய்வு மற்றும் புதைக்கப்பட்ட சடலங்களை தோண்டி எடுக்கும் முயற்சிகளும் சர்வதேச மனித உரிமைகள் தரநிலைகளுடன் ஒத்துப்போவதை உறுதி செய்யுமாறு அரசாங்கத்தை வலியுறுத்தியது, இதில் மினசோட்டா நெறிமுறை சட்டவிரோத மரணத்தை விசாரிப்பதும் அடங்கும்.

இலங்கையில், குறிப்பாக உள்நாட்டு மோதலின் போது, கட்டாயமாக காணாமல் போனதாகக் கூறப்படும் சம்பவங்கள் மற்றும் நீதிக்குப் புறம்பான கொலைகளுடன் தொடர்புடையதாகக் கூறப்படும் பல புதைகுழிகளில் செம்மணி தளமும் ஒன்றாகும். 1990களின் பிற்பகுதியில் கண்டுபிடிக்கப்பட்ட செம்மணி, அகழ்வாராய்ச்சிக் குழுக்கள் 100க்கும் மேற்பட்ட எலும்புக்கூடுகளை கண்டுபிடித்த பிறகு இந்த ஆண்டு மீண்டும் கவனத்திற்கு வந்தது. மன்னார், மாத்தளை மற்றும் சதுர்கொண்டான் உள்ளிட்ட பிற தளங்களும் இதேபோல் பல ஆண்டுகளாக வெகுஜன புதைகுழிகளை வெளிப்படுத்தியுள்ளன, ஆனால் சில மட்டுமே வெற்றிகரமான வழக்குகளுக்கு வழிவகுத்தன.

இதர ஊடகச் செய்திகள் ENB தொகுப்பு

GPR Scanner இற்கு இராணுவ அமைச்சின் அனுமதி இதுவரை இல்லை.

இதற்கு மத்தியில் செம்மணியில் தற்போது பரிசோதனைக்கு உள்ளாகிவரும் இரு புதை குழிகள் தவிர்ந்த மேலும் குழிகள் இருக்கலாம் என்ற சந்தேகம் ஆய்வாளர்களுக்கு எழுந்துள்ளது. இதன் நிமித்தம் அப்பிரதேசம் முழுமையையும் ஆராய GPR Scanner எனும் உபகரணம் அவசியப்படுகின்றது. இது நிலத்தை ஆழ ஊடுருவி நிலத்தடியில் உள்ளவற்றை துல்லியமாக படம் பிடிக்கும் சாதனம் ஆகும்.ஏதோ காரணத்தால் இதற்கு இராணுவ அமைச்சின் அனுமதி தேவைப்படுவதோடு, அந்த அனுமதி இன்னும் வழங்கப்படவில்லை.

இதனால் ஶ்ரீஜெயவர்வத்தனபுர பல்கலைக்கழகத்தில் உள்ள ஸ்கானர் கருவியை யாழ் பல்கலைகழகம் ஊடாக பெற்று அதனை பயன்படுத்த நடவடிக்கை எடுக்கப்பட்டுள்ளது. நேற்றைய தினம் திங்கட்கிழமை குறித்த ஸ்கானர் பயன்படுத்தப்பட்டது. 

__________________________

What is a GPR scan?

AI Overview

GPR Scanning Services, Ground Penetrating Radar Services

A GPR scan, or Ground Penetrating Radar scan, is a non-destructive geophysical method used to locate and map subsurface features using radio waves. It works by transmitting electromagnetic waves into the ground and analyzing the returning signals to create a detailed image of what lies beneath the surface. This technology is used to identify utilities, voids, structural elements, and other buried objects. 

________________________

JULY மாதம் 27ம் தேதி - ஒன்பது நாட்களுக்கு முன் வெளிவந்த பத்திரிகைச் செய்தி வருமாறு:

செம்மணி மனித புதைகுழிகளை அடையாளம் காண நவீன ஸ்கான் கருவிகள்

பாதுகாப்பு அமைச்சின் அனுமதிக்காக காத்திருப்பு

written by admin July 27, 2025

செம்மணி மனிதப் புதைகுழியில், ஜி.பி.ஆர். ஸ்கானர் (தரையை ஊடுருவும் ராடர்) மூலம், பரந்துபட்ட ஸ்கான் நடவடிக்கைகளை முன்னெடுக்கத் தீர்மானிக்கப்பட்டுள்ளது.  இதற்கான பணிகள் துரிதகதியில் இடம்பெற்று வருகின்றன.

செம்மணிப் புதைகுழியில் அகழ்வுப் பணிகள் இடம்பெறும் பகுதிக்கு மேலதிகமாக, செய்மதிப் படங்களை அடிப்படையாக வைத்து துறைசார் நிபுணர் சோமதேவா அடையாளப்படுத்திய இடத்திலும் என்புத் தொகுதிகள் மீட்கப்பட்டிருந்தன.  இதையடுத்து, செம்மணியில் குறிக்கப்பட்ட பகுதிக்குள் மட்டும் அகழ்வுப் பணிகளை முன்னெடுக்காமல், பரந்துபட்ட அகழ்வுகள் இடம்பெற வேண்டும் என்று உள்நாட்டிலும் சர்வதேச அளவிலும் வலியுறுத்தல்கள் முன்வைக்கப்பட்டன.

இதைத் தொடர்ந்தே, வெளிநாட்டில் இருந்து ஜி.பி.ஆர். ஸ்கான் இயந்திரம் கொண்டுவரப்பட்டு அங்கு விரிவான ஆய்வு நடவடிக்கைகள் இடம்பெறவுள்ளன.  முல்லைத்தீவு – கொக்குத்தொடுவாய் உள்ளிட்ட மனிதப் புதைகுழிகளை ஆய்வு செய்வதற்கு இலங்கையில் இதுவரை ஏ.எம்.ரி. ஸ்கானரே பயன்படுத்தப்பட்டன.

இந்த நிலையில், தரையை ஊடுருவும் ராடர் (ஜி.பி.ஆர்.) என்று அழைக்கப்படும் ஸ்கானர் மூலம் இலங்கையின் மனிதப் புதைகுழியொன்று ஆய்வு செய்யப்படும் முதலாவது சந்தர்ப்பமாக செம்மணிப் புதைகுழியே பதிவாகியுள்ளது.

தரையை ஊடுருவும் ராடர் (ஜி.பி.ஆர்.) அமைப்பு, கொங்கிரீட்களையும் ஊடுருவி நிலத்துக்குக் கீழ் இருக்கும் விடயங்களை திரையில் வெளிப்படுத்தும் நவீனத்துவம் கொண்டது.  கனடா போன்ற நாடுகளில் கட்டடங்களின் கீழ் இருந்த மனிதப் புதைகுழிகளை அவதானிப்பதற்கு இந்த ஸ்கானரே பயன்படுத்தப்பட்டது.

ஆய்வுப் பணிகளுக்காக செம்மணிப் புதைகுழிக்கு அருகாக உள்ள பல பகுதிகள் துப்புரவு செய்யப்பட்டுள்ளன. இந்த ஸ்கான் ஆய்வில் பல பகுதிகளில் என்புத் தொகுதிகள் அடையாளம் காணப்பட வாய்ப்புள்ளதாகக் கருதப்படுகின்றது.  பாதுகாப்பு அமைச்சின் அனுமதி வழங்கப்பட்டதும், இந்த ஆய்வு இடம்பெறும் என்பது குறிப்பிடத்தக்கது

தடயங்கள் பொதுமக்கள் பார்வைக்கு

செம்மணி மனித புதைகுழிகளில் இருந்து மீட்கப்பட்ட தடயங்களை பொதுமக்கள் அடையாளம் காட்டும் வகையில்  இன்று செவ்வாய்க்கிழமை செம்மணி சிந்துபாத்தி இந்து மயானத்தில் மதியம் 1.30 மணி முதல் , மாலை 5 மணி வரையில் காட்சிப்படுத்தப்படவுள்ளது.இவை சுமார்  54 பொருட்கள் ஆகும். இதன்போது காணாமல் ஆக்கப்பட்டவர்களின் உறவினர்களுக்கு முன்னுரிமை வழங்கப்படும் எனவும் அறிவிக்கப்பட்டுள்ளது.இது தொடர்பில் வெளியிடப்பட்ட நீதிமன்றக் கட்டளை வருமாறு.

நீதிமன்றக் கட்டளை 

செம்மணி மனிதப் புதைகுழி சான்றுப்பொருள்களைப் பார்வையிடுவது தொடர்பான ஒழுங்கு விதிகள் பற்றி யாழ்ப்பாணம் நீதவான் நீதிமன்றம் கடந்த 2ஆம் திகதி கட்டளை ஒன்றை வெளியிட்டிருந்தது.

அதில் குறிப்பிடப்பட்டுள்ளதாவது,

1. மேற்படி, நடவடிக்கையானது ஒரு நீதிமன்ற நீதிமன்ற நடவடிக்கைக்குரிய நடவடிக்கையாக காணப்படுவதால்,  கண்ணியம். அந்நடவடிக்கையில் பங்கேற்கும் நபர்களால் பேணப்பட வேண்டும்.

2. காணாமல் போன நபர்கள் தொடர்பில் முறைப்பாடுகள் செய்த உறவினருக்கே முன்னுரிமை வழங்கப்படும். அவர்கள் தம்முடைய உறவுகள் காணாமல் போனதை உறுதிப்படுத்தக்கூடிய ஆவணம் ஒன்றினைச் சமர்ப்பிப்பது விரும்பத்தக்கது. ஏனைய நபர்களை அனுமதிப்பது தொடர்பில், முற்படுத்தப்படும் தரவுகளின் அடிப்படையில் தீர்மானிக்கப்படும்.

3. மேற்படி நடவடிக்கையில் பங்குபற்றும் நபர்களது பெயர், அடையாள அட்டை இலக்கம் (அல்லது கடவுச்சீட்டு இலக்கம் அல்லது சாரதி அனுமதிப்பத்திர இலக்கம்). முகவரி என்பன நீதிமன்ற உத்தியோகத்தர்களால் பதிவு செய்யப்படும்.

4. இருபத்தொரு (21) வயதிற்கு மேற்பட்ட நபர்கள் மாத்திரம், மேற்படி நடவடிக்கையில் பங்குபற்ற அனுமதிக்கப்படுவார்கள்

5. பங்குபற்றும் நபர்கள்; மேற்படி நீதிமன்ற நடவடிக்கையையோ அல்லது காண்பிக்கப்படும் பொருட்களையோ, ஒலி, ஒளிப்பதிவு செய்யவும், எந்தவொரு இலத்திரனியல் உபகரணங்களை எடுத்துவரவும் தடை விதிக்கப்படுகின்றது.

6. மேற்படி நடவடிக்கையில் பங்குபற்றும் காணாமல் போன நபர்களின் உறவினர்கள் சட்டத்தரணி ஒருவருடன் தோன்றவும் நீதிமன்றம் அனுமதி வழங்குகின்றது.

7. பங்குபற்றும் நபர்கள்; காண்பிக்கப்படும் சான்று பொருட்களை கையாளுவதற்குத் தடை விதிக்கப்படுகின்றது.

8. மேற்படி நடவடிக்கை ஒரு நீதிமன்ற நடவடிக்கையாகக் காணப்படுவதனால், மேற்படி நடவடிக்கைகளை ஒளிப்பதிவு செய்வது தடை செய்யப்படுகின்றது. ஆகவே, இந்நடவடிக்கை நடைபெறும் வேளையில், அரியாலை சித்துப்பாத்தி இந்து மயான வளாகத்திற்குள் ஊடகவியலாளர்கள் எவரும் ஒளிப்பதிவு செய்ய அனுமதிக்கப்படமாட்டார்கள்.

மேற்படி ஒழுங்குவிதிகளை மீறும் நபர்களுக்கு எதிராக, நீதிமன்றினால் உரிய சட்ட ஏற்பாடுகளுக்கமைய நடவடிக்கைகள் மேற்கொள்ளப்படும் என அக்கட்டளையில் குறிப்பிடப்பட்டுள்ளது.

குறித்த கட்டளையின் பிரகாரமே சான்று பொருட்களை மக்கள் பார்வையிட அனுமதியளிக்கப்பட்டிருந்தது.